లోకల్ బాయ్ నానీ..ఇవేం దిక్కుమాలిన పనులు..

ఇటీవలి కాలంలో యూట్యూబ్, ఇన్ స్టాగ్రామ్, ఫేస్ బుక్, ఇతర సోషల్ మీడియా ప్లాట్ ఫాంలలో వీడియోలు పెడుతూ ఫేమస్ అయిన వారు డబ్బుకోసం కక్కుర్తిపడి బెట్టింగ్ యాప్ లను ప్రమోట్ చేస్తున్నారు. అమాయకపు యువకుల ప్రాణాలతో చెలగాటం ఆడుతున్నారు. అయితే, కొద్దికాలంగా ఇలాంటి వారి ఆటలను ఆర్టీసీ ఎండీ, ఐపీఎస్ అధికారి సజ్జనార్ ట్విటర్ ద్వారా అరికడుతున్నారు. సోషల్ మీడియా ప్లాట్ ఫాంల ద్వారా బెట్టింగ్ యాప్ లను ప్రమోట్ చేస్తున్న వారిపై ప్రభుత్వం చర్యలు తీసుకోవాలని ప్రభుత్వాన్ని కోరుతున్నారు. 

తాజాగా సజ్జనార్ తన ఎక్స్ ఖాతాలో ఓ వీడియోను షేర్ చేశారు. యూట్యూబ్ ఛానెల్ ద్వారా వీడియోలు పోస్టుచేస్తూ లోకల్ బాయ్ గా, ఫిషర్ మెన్ గా పాపులర్ అయిన నాని బెట్టింగ్ యాప్ ప్రమోట్ చేస్తున్న వీడియోను సజ్జనార్ షేర్ చేశారు. "మీరు డబ్బు సంపాదించుకోవాలంటే అనేక మార్గాలు ఉన్నాయి. ఇవేం దిక్కుమాలిన పనులు. మీ టాలెంట్ ను ఇతరత్రా రంగాల్లో ఉపయోగించుకుని సంపాదించుకోవడంలో తప్పులేదు. అలాచేస్తే మిమ్మల్ని సమాజం హర్షిస్తోంది. ఇలాంటి పనుల ద్వారా ఎంతో మందిని బెట్టింగ్ భూతానికి బానిసలను చేయడం ఎంత వరకు కరెక్టో ఒక్కసారి ఆలోచించండి. సోషల్ మీడియా ఇన్‌ఫ్లుయెన్సర్లమని, మేం ఏం చేసిన నడుస్తుందనే భ్రమలో ఉండకండి. చట్టప్రకారం మీకు శిక్షలు తప్పవని గుర్తుంచుకోండి. ఇప్పటికైనా సమాజ శ్రేయస్సును దృష్టిలో పెట్టుకుని ఆన్ లైన్ బెట్టింగ్ యాప్ ల ప్రమోషన్లను ఆపండి.'' అంటూ సజ్జనార్ ట్వీట్ చేశారు.

గతంలోనూ సోషల్ మీడియా ఇన్‌ఫ్లుయెన్సర్‌ సన్నీ యాదవ్ పైనా సజ్జనార్ ఫైర్ అయ్యారు. ఒకవైపు ఆన్ లైన్ బెట్టింగ్ భూతం అనేక మంది ప్రాణాలను తీస్తుంటే తమకేం పట్టనట్టుగా స్వలాభంకోసం సోషల్ మీడియా ఇన్ఫ్లూయెన్సర్లు ఇలాంటి చిత్రవిచిత్ర వేషాలు వేస్తున్నారని ఆగ్రహం వ్యక్తం చేశారు.

అనన్య నాగళ్ల క్యూట్ & హాట్ ఫోటోస్

See Full Gallery Here...