ఉదయం లేవగానే ఇలా చేస్తే మీ మైండ్ ఫుల్ షార్ప్..!

శరీరాన్ని క్రమం తప్పకుండా శుభ్రపరుచుకున్నట్లే, మన మనస్సులను డీటాక్స్ చేయడం చాలా ముఖ్యం. ఇది మన మెంటల్ హెల్త్ ను కాపాడుతుంది. మనసు ప్రశాంతంగా ఉండటానికి మైండ్ డీటాక్స్ అనేది చాలా అవసరం. స్వచ్చమైన మనస్సు మనం బాగా దృష్టి పెట్టడానికి, మంచి నిర్ణయాలు తీసుకోవడానికి, జీవితాన్ని మరింత పూర్తిగా ఆస్వాదించడానికి సాయపడుతుంది. మీరు ఎప్పుడూ క్లారిటీ ఆఫ్ మైండ్ తో ఉండగలిగితే జీవితంలో సగం సమస్యలు మిమ్మల్ని టచ్ చేయకుండానే సైడ్ అయిపోతాయంటున్నారు మానసిక నిపుణులు. 

మీరు నిద్రలేచిన తర్వాత మొదటి గంట సమయం మీరోజులోని చాలా విషయాలను డిసైడ్ చేస్తుంది. నిద్రలేచిన వెంటనే మీ ఫోన్ కోసం వెతకడానికి బదులుగా, మీ లక్ష్యాలను, ఉద్దేశాలను ఓసారి గుర్తుచేసుకోవడానికి ఐదు నిమిషాలు కేటాయించండి. మీరు పనులను విజయవంతంగా పూర్తి చేస్తున్నట్టు, సంతోషంగా ఉన్నట్టు, మీకు అత్యంత ముఖ్యమైన వాటిని సాధించినట్టుగా ఊహించుకోండి. ఈ మానసిక వ్యాయామం మీలో విపరీతమైన పాజిటివిటీని పెంచుతుంది. మీ లక్ష్యాల నుంచి మీరు డైవర్ట్ కాకుండా ఆపుతుంది. లేచిన వెంటనే మీ శరీరానికి తగినంత హైడ్రేషన్ అందించడం మీ మైండ్ సెట్ ను సెట్ చేసే మరో అద్భుతమైన టెక్నిక్. ఒక గ్లాసు మంచినీళ్లతో మీ రోజును మొదలు పెట్టండి. అది మెదడు పనితీరును మరింత చురుగ్గా చేస్తుంది. ఏకాగ్రతను మెరుగుపరుస్తుంది. ఇది మైండ్ నుంచే కాదు శరీరం నుంచి కూడా మలినాలను బయటకు పంపిస్తుంది.

మీ మెదడు ఉదయం పూట మరింత షార్ప్ గా, ఉత్సాహంగా ఉంటుంది. ఇది కష్టమైన పనులను పూర్తిచేయడానికి ఉత్తమ సమయం. ఉదయాన్నే ముందు మీకు అత్యంత కష్టమైనట్టుగా అనిపించే పనులను పూర్తి చేసేయండి. ముఖ్యమైన రిపోర్టులు రాయడం, పరీక్షకు చదువుకోవడం లేదా కఠినమైన ప్రాజెక్ట్‌ను చేసేయడం వంటివి ఏవైనా. వాటిని త్వరగా పూర్తి చేయడం వల్ల ఒత్తిడి తగ్గుతుంది, మీ సామర్థ్యం పెరుగుతుంది. ముందుగా కష్టమైన పనులను పూర్తి చేయడం వల్ల వాయిదా వేసే అలవాటు పోతుంది. ఆ రోజంతా మీకు ఏదో సాధించిన భావన, ఉత్సాహం కలుగుతుంది.

అనన్య నాగళ్ల క్యూట్ & హాట్ ఫోటోస్

See Full Gallery Here...