దుబాయ్‌ వేదికగా తొలి సెమీస్‌ మ్యాచ్‌ నేడు భారత్‌-ఆసీస్‌ మధ్య జరగనుంది. మధ్యాహ్నం 2.30 గంటలకు ఈ మ్యాచ్‌ ప్రారంభమౌతుంది. ఇప్పటికే దుబాయ్‌ పిచ్‌ అడ్వాంటేజ్‌పై టీమిండియా కెప్టెన్‌ రోహిత్‌ శర్మ ఓ స్పష్టత ఇచ్చిన విషయం తెలిసిందే. నాలుగు పిచ్‌ల్లో దేనిని వాడుతారనేది తమకు తెలియదని తమకూ కొత్తదే అవుతుందని వ్యాఖ్యానించారు.

ఈ క్రమంలో ఆసీస్‌ మాజీ క్రికెటర్‌ బ్రాడ్‌ హడిన్‌ భారత్‌ను టార్గెట్‌ చేస్తూ కీలక వ్యాఖ్యలు చేశారు. దుబాయ్‌లో వారికి అడ్వాంటేజ్‌ అంటూనే ఒత్తిడీ ఎక్కువగానే ఉంటుందని తెలిపారు. అలాగే కోచ్‌ గౌతమ్‌ గంబీర్‌ సామర్థ్యాలకు కఠిన పరీక్షేనని వ్యాఖ్యానించారు. ఈ మ్యాచ్లో గెలిసిన జట్టు ఫైనల్ లో ఆడనుంది. రేపు రెండో సెమీస్‌లో దక్షిణాఫ్రికా, న్యూజిలాండ్‌ తలపడనున్నాయి. ఈనెల 9న ఛాంపియనస్‌ ట్రోఫీ ఫైనల్‌ మ్యాచ్‌ జరగనుంది.