రాష్ట్రంలోని రైతులకు రేవంత్ సర్కార్ గుడ్ న్యూస్ చెప్పేందుకు సిద్ధమైంది. వానాకాలం సీజన్ కు సంబంధించి రైతు భరోసా నిధులను రేపటి నుంచి బదిలీ చేసేందుకు ఏర్పాట్లు చేస్తోంది. ఇప్పటికే రైతు భరోసా పథకానికి లబ్దిదారుల జాబితాను ఆర్థిక శాఖకు అందజేసింది. ఈ జాబితాలో ముందుగా ఎకరం, రెండు, మూడు, నాలుగు,ఐదు ఎకరాలు.. ఆపైన రైతుల వివరాలను పేర్కొన్నారు. ఇప్పటికే రైతు భరోసా నిధుల పంపిణిపై సీఎం రేవంత్ రెడ్డి సైతం గ్రీన్ సిగ్నల్ ఇచ్చారు.