కెనడా ప్రధాని జస్టిన్ ట్రూడో లిబరల్ పార్టీ నాయకత్వానికి, దేశ అధ్యక్ష పదవికి రాజీనామా చేస్తున్నట్లు సంచలన ప్రకటన చేశారు. కొత్త ప్రధానిని ఎన్నుకునే వరకూ ఆయనే ప్రధానిగా కొనసాగుతారని తెలుస్తోంది. ఈ క్రమంలో కెనడా దేశ రాజకీయాల్లో కీలక పరిణామం చోటు చేసుకుంది. కొత్త నాయకత్వాన్ని ఎన్నుకున్న తర్వాత తాను బాధ్యతల నుండి వైదొలగుతానని ప్రకటించారు. ట్రూడో రాజీనామాతో దాదాపు 10 ఏళ్ల అధికారానికి ముగింపు పలికినట్లువుతుంది.

అయితే కెనడా దేశవ్యాప్తంగా అధ్యక్షుడు జస్టిన్ ట్రూడో మీద ప్రజల్లో తీవ్ర వ్యతిరేకత పెరిగిపోయింది. దీంతో వచ్చే అధ్యక్ష ఎన్నికల్లో లిబరల్ పార్టీ గెలిచే అవకాశాలు గణనీయంగా తగ్గిపోయాయి. ఈ క్రమంలోనే సొంత పార్టీ నేతల నుంచి ఎంతో కాలంగా వస్తున్న డిమాండ్లకు అనుగుణంగా ఆయన అధికార పదవికి రాజీనామా ప్రకటించారు.