తెలంగాణలో మంత్రి వర్గ విస్తరణకు కాంగ్రెస్ పార్టీ పెద్దలు గ్రీన్ సిగ్నల్ ఇచ్చినట్లు తెలుస్తోంది. ఢిల్లీలో కాంగ్రెస్ అధిష్ఠానంతో తెలంగాణ నేతల భేటీ సోమవారం జరిగింది. నాలుగు మంత్రి పదవులను భర్తీ చేయాలని ఆ సమావేశంలో నిర్ణయించినట్లు సమాచారం.

దానికి సంబంధించి ఉగాది రోజున ప్రకటన వెలువడే అవకాశమున్నట్లు తెలుస్తోంది. దీంతో పాటు డిప్యూటీ స్పీకర్, చీఫ్ విప్ పదవులు కూడా భర్తీ చేసే అవకాశం ఉన్నట్లు సమాచారం.