సీమంతం జరిగిన 10 రోజులకే గర్భిణి మృతి చెందిన విషాదకర ఘటన తెలంగాణలో చోటు చేసుకుంది. బిచ్కుందకు చెందిన మంగలి సునీల్ కు గతేడాది మద్నూర్ మండలం పెద్దతడూర్ గ్రామానికి చెందిన జ్యోతి(27)తో వివాహమైంది. ఆమె ఐదు నెలల గర్భిణి కాగా ఈ నెల 14న బిచ్కుందలో సీమంతం నిర్వహించారు.

అయితే భార్యాభర్తలు ద్విచక్రవాహనంపై వస్తుండగా బిచ్కుంద శివారులోని పెద్ద మైసమ్మ గుడి వద్ద వాహనం నుండి జ్యోతి జారి కిందపడ్డారు. తలకు గాయాలయ్యాయి. అంబులెన్సులో బాన్సువాడ ప్రభుత్వాసుపత్రికి తరలిస్తుండగా మార్గం మధ్యలోనే మృతిచెందింది.